Հաճախորդամետ բիզնես. ինչպես խթանել ձեր բիզնեսի աճը հաճախորդի կարծիքը լսելու միջոցով:

Այսօրվա մրցակցային շուկայում այն ​​բիզնեսները, որոնք իրականացնում են հաճախորդամետ  մարքեթինգ, ավելի արագ են աճում ու ամրապնդվում շուկայում: Հաճախորդամետ բիզնեսները ոչ միայն վաճառում են ապրանքներ կամ ծառայություններ, այլ կառուցում են հարաբերություններ, խթանում իրենց լսարանի հավատարմությունը և ապահովում կայուն աճ՝ իրենց լսարանի կարիքները, նախասիրությունները և վարքագիծը ընկալելու միջոցով:

Ինչու՞ է կարևոր հաճախորդամետ մոտեցումը։

Հաճախորդամետ մոտեցումը բիզնեսին հնարավորություն է տալիս մատուցելու արժեք, որը համապատասխանում է իր լսարանի կարիքներին: Այս մոտեցման շնորհիվ ընկերությունները ձեռք են բերում․

• Մշտական, հավատարիմ հաճախորդների մեծ խումբ, ինչը նվազեցնում է անընդհատ նոր լսարան ներգրավելու վրա ծախսվող միջոցները։

• Եկամուտների ավելացում. անհատականացված ապրանքներն ու ծառայությունները հաճախ հանգեցնում են ավելի մեծ վաճառքների:

• Բրենդի հեղինակություն. այն բիզնեսները, որոնք հաշվի են առնում իրենց հաճախորդների կարծիքը, վստահություն են ձեռք բերում:

Deloitte-ի ուսումնասիրության համաձայն՝ հաճախորդակենտրոն ընկերությունները 60%-ով ավելի շահութաբեր են:

Ինչպե՞ս լավագույնս հասկանալ ձեր հաճախորդի կարիքները։

1. Իրականացնել շուկայի հետազոտություն։

Կատարե՛ք հարցումներ՝ ձեր գործունեության վերաբերյալ պատկերացումներ կազմելու համար: SurveyMonkey-ի և Google Forms-ի նման գործիքները կարող են հեշտացնել այս գործընթացը:

2. Իրականացնել տվյալների վերլուծություն։

Օգտագործե՛ք վերլուծական գործիքներ, ինչպիսին են Google Analytics-ը` հետևելու համար հաճախորդների վարքագծին ձեր կայքում և սոցիալական հարթակներում: Հաճախորդների ներգրավվածությունը խթանող քոնթենթը հասկանալը օգնում է բարելավել ձեր մարքեթինգային ռազմավարությունը:

3. Ստեղծել հաճախորդի պերսոնա։

Մշակե՛ք ձեր թիրախային լսարանի մանրամասն պրոֆիլները, ներառյալ ժողովրդագրությունը, հետաքրքրությունները և կարիքները: Հաճախորդի պերսոնայի ստեղծումը օգնում է անհատականացված մարքեթինգային մեսիջներ փոխանցել և անել անհատականացված առաջարկներ:

4. Լսել և արձագանքել ռեվյուներին։

Խրախուսե՛ք հաճախորդներին ռեվյուներ թողնել և կիսվել իրենց փորձով: Trustpilot-ի և Yotpo-ի նման հարթակները կարող են օգնել այդ տվյալները հավաքելու և վերլուծելու գործում։

Հաճախորդամետ բիզնեսների օրինակներ։

• Amazon. ընկերությունը հայտնի է իր հաճախորդակենտրոն մոտեցմամբ։ Amazon-ը օգտագործում է տվյալների վերլուծության վրա հիմնված անհատականացում և հաճախորդների սպասարկում։

• Apple. կենտրոնանալով հաճախորդամետ դիզայնի և հաճախորդների սպասրկման վրա՝ Apple-ը ստեղծում է ապրանքներ, որոնք լիովին բավարարում են հաճախորդների կարիքները:

Ինչպես ձեր հաճախորդների գոհունակությունը վերածել ձեր ընկերության հաջողության։

Ճանաչելով ձեր լսարանը՝ դուք կարող եք.

• Անհատականացնել ձեր առաջարկները հաճախորդամետ քոնթենթի և մեսիջների միջոցով։

• Բարելավել ձեր արտադրանքի որակը՝ հիմնվելով հաճախորդների կարծիքների և ռեվյուների վրա:

• Բարելավել հաճախորդների սպասարկումը՝ ժամանակին պատասխանելով մարդկանց հարցումներին, արձագանքելով նրանց թողած մեկնաբանություններին, լուծումներ տալով ծագած խնդիրներին՝ դրանով իսկ ցույց տալով, որ առաջնային եք համարում հաճախորդների կարծիքը:

Եզրակացություն։

Ձեր թիրախային լսարանին հասկանալը պարզապես մարքեթինգային մարտավարություն չէ, դա ձեր բրենդի աճի ռազմավարությունն է: Դառնալով իսկապես հաճախորդամետ բիզնես՝ դուք կխթանեք ձեր գնորդների հավատարմությունը, կավելացնեք ձեր եկամուտները և կստեղծեք բրենդի կայուն ինքնություն:

Մասնակցելով Slice Academy-ի Weekend School of Business դասընթացին՝ դուք կսովորեք, թե ինչպես վարել հաճախորդամետ բիզնես։ Միացե՛ք մեզ ապրիլի 19-ից հուլիսի 19-ը՝ ձեր բիզնեսի իրական ներուժը բացահայտելու և բարձր վարկանիշ ձեռք բերելու համար: